GO (Rt) No: 384/91/Home Dtd: 17/ 01/ 1991 പ്രകാരം, ഈ ബറ്റാലിയന്റെ ആസ്ഥാനം പത്തനംതിട്ട ജില്ലയിലെ അടൂരിൽ സ്ഥാപിച്ച് സർക്കാർ ഉത്തരവുകൾ പുറപ്പെടുവിച്ചു. ഇതനുസരിച്ച് അടൂർ താലൂക്കിലെ ഏറത്ത് വില്ലേജിലെ (ഏറത്ത് പഞ്ചായത്ത്) പഴയ സർവേ നമ്പർ: 267 (ഭാഗം), 308 (പുതിയ സർവേ നമ്പർ: 52 & 48/03) എന്നിവയിൽ 14.1650 ഹെക്ടർ ഭൂമി, ശ്രീ. കെ.ദാമോദരൻ ഉണ്ണിത്താന്  87,63,953/- രൂപ നൽകി സ്വന്തമാക്കി. അതിനു ശേഷം 29/08/1998 ന് ബഹുമാനപ്പെട്ട കേരള മുഖ്യമന്ത്രിയായിരുന്ന ശ്രീ.ഇ.കെ.നായനാർ തറക്കല്ലിട്ടു.

കേരള പോലീസ് ഹൗസിംഗ് കൺസ്ട്രക്ഷൻ കോർപ്പറേഷനെയാണ് മേൽപ്പറഞ്ഞ സ്ഥലത്തെ കെട്ടിടങ്ങളുടെ നിർമ്മാണം ചുമതലപ്പെടുത്തിയത്. KAP 3 ബറ്റാലിയന്റെ അടൂരിൽ പുതുതായി നിർമ്മിച്ച ആസ്ഥാനം 16/05/2003 ന് അന്നത്തെ ബഹുമാനപ്പെട്ട കേരള മുഖ്യമന്ത്രി ശ്രീ. എ.കെ.ആന്റണി കമ്മിഷന്&zwj ചെയ്തു. കേരള രൂപീകരണത്തിന് ശേഷം ആധുനിക കെട്ടിടങ്ങളോടുകൂടിയ പുതിയ ക്യാമ്പ് നിർമ്മിച്ച ആദ്യത്തെ ബറ്റാലിയൻ ആണിത്. ബറ്റാലിയൻ ഓഫീസിന്റെ പ്രവർത്തനം പുതിയ ക്യാമ്പിൽ 16/06/2003-ന് G.O(MS) 100/2003 Dtd 07/05/2003 പ്രകാരം ആരംഭിച്ചു. പിന്നീട് തിരുവനന്തപുരം ട്രഷറീസ് ഡയറക്ടറുടെ ഉത്തരവ് നമ്പർ: F3-7757/03/LD IS Dtd: 21/07/2003 പ്രകാരം, ബറ്റാലിയന്റെ എല്ലാ സാമ്പത്തിക ഇടപാടുകളും സബ് ട്രഷറി, വെള്ളയമ്പലം, തിരുവനന്തപുരം എന്ന വിലാസത്തിൽ നിന്ന് സബ് ട്രഷറി, അടൂർ ലേക്ക്  മാറ്റി. .