കൂടുതൽ വിശദാംശങ്ങൾകേരള പോലീസിന്റെ 3 പ്രോജക്ടുകൾ ഈ വർഷത്തെ സ്കോച്ച് അവാർഡുകൾ കരസ്ഥമാക്കി. വിർച്വൽ ക്യൂ, ഇ-വി.ഐ.പി, ഒ.റ്റി.പി തട്ടിപ്പ് തടയുന്നതിനായി ബാങ്കുകളുടെ പങ്കാളിത്തത്തോടെ വികസിപ്പിച്ച വാട്ട്സ് ആപ്പ് സംവിധാനം എന്നിവയ്ക്കാണ് അവാർഡുകൾ ലഭിച്ചത്. ഒരു സ്വതന്ത്ര സ്ഥാപനം നൽകുന്ന രാജ്യത്തെ പരമോന്നത സിവിലിയൻ ബഹുമതിയാണ് സ്കോച്ച് അവാർഡ്. ന്യൂഡൽഹിയിൽ വച്ച് നടന്ന ചടങ്ങിൽ ക്രൈംബ്രാഞ്ച് ഐ.ജി എസ്.ശ്രീജിത്ത് അവർഡ് ഏറ്റുവാങ്ങി.
2018 ലെ പ്രളയത്തിൽ നടത്തിയ രക്ഷാ പ്രവർത്തനങ്ങൾക്ക് കേരള പോലീസിന് സ്കോച്ച് ഗോൾഡ് അവർഡ് ലഭിച്ചിരുന്നു. കഴിഞ്ഞവർഷം, സ്റ്റുഡന്റ് പോലീസ് കേഡറ്റ്, പിങ്ക് പോലീസ് പട്രോൾ, പഠനം ഉപേക്ഷിച്ച കുട്ടികൾക്ക് പഠനം തുടരാൻ പ്രോത്സാഹനം നൽകുന്ന HOPE പദ്ധതി എന്നിവയ്ക്ക് സ്കോച്ച് ഓണർ ഓഫ് മെരിറ്റ് അവാർഡ് ലഭിച്ചിരുന്നു.
കേരള പോലീസ് സൈബർ-ഡോം, സൈബർ സുരക്ഷാ വിഭാഗത്തിൽ 2018 ലെ FICCI സ്മാർട്ട് പോലീസിംഗ് അവാർഡുകൾ കരസ്ഥമാക്കി. സൈബർ സുരക്ഷാ മേഖലയിലെ അനന്യമായ സംരംഭത്തിന് മറ്റൊരു ദേശീയ അംഗീകാരം കൂടി ലഭിച്ച കാര്യം കേരള പോലീസ് അഭിമാനപുരസ്സരം പ്രഖ്യാപിക്കുന്നു. കേരള പോലീസ് സൈബർഡോം, സൈബർ സുരക്ഷാ വിഭാഗത്തിൽ 2018 ലെ FICCI സ്മാർട്ട് പോലീസിംഗ് അവാർഡ് നേടിയിട്ടുണ്ട്. 2018 മെയ് 31 ന് ന്യൂഡൽഹിയിലെ താൻസെൻമാർഗ്, ഫെഡറേഷൻ ഹൗസ്, FICCI യിൽ വച്ച് നടന്ന 2018 ലെ ഹോംലാൻഡ് സെക്യൂരിറ്റി കോൺഫറൻസിൽ വച്ച് അവാർഡ് കൈമാറുകയും ചെയ്തു. .
വിവിധ സംസ്ഥാന പോലീസ് സേനകൾ, കേന്ദ്ര സായുധ പോലീസ് സേനകൾ തുടങ്ങിയവയിൽ നിന്നും ലഭിച്ച 211 എൻട്രികളിൽ നിന്നാണ്, ആദരണിയരായ ജൂറി അംഗങ്ങൾ FICCI SMART POLICING AWARD ന് അർഹരായവരെ തെരഞ്ഞെടുത്തത്
കൂടുതൽ വിശദാംശങ്ങൾ
More Details14-11-17 മുതൽ 27-11-17 വരെ ന്യൂഡൽഹിയിൽ സംഘടിപ്പിക്കപ്പെട്ട രാജ്യാന്തര വ്യാപാര മേളയിലെ കേരള പോലീസിന്റെ പവലിയനിൽ, കേരള പോലീസ് ഒരുക്കിയ ഉജ്ജ്വലമായ പ്രദർശനം, ടെക്നോളജി പോലീസിംഗിന്റെ പുത്തൻ വഴികളിലൂടെയുള്ള ഒരു യാത്രയായിരുന്നു. ഈ പ്രദർശനം International Trade Fair ൽ എറ്റവും മികച്ച എക്സിബിറ്റർ അവാർഡ് കരസ്ഥമാക്കുന്നതിന് കേരള പോലീസിനെ സഹായിച്ചു.
ഈ സ്റ്റാളിൽ പൊതുജനങ്ങളുടെ സുരക്ഷയും സംരക്ഷണവും ഉറപ്പുവരുത്താൻ കേരള പോലീസ് ഉപയോഗിക്കുന്ന പത്തിലധികം ഉപകരണങ്ങൾ, സംവിധാനങ്ങൾ, സോഫ്റ്റ് വെയറുകൾ എന്നിവയുടെയും പ്രദർശനം ഉണ്ടായിരുന്നു. ട്രാഫിക് ജംഗ്ഷനുകളിൽ ഉപയോഗിക്കുന്ന ഉപകരണങ്ങൾ, പ്രതിസന്ധിഘട്ടങ്ങളിൽ ഡ്രോണുകൾ ഉപയോഗിച്ച് നടത്തുന്ന 3D Geo Spatial system, പഠനത്തിന് സഹായകമാകുന്ന വീഡിയോ ഗെയിമുകൾ, വിവിധ സന്ദർഭങ്ങളിൽ ഉപയോഗിക്കാവുന്ന സുരക്ഷാ മൊബൈൽ ആപ്ലിക്കേഷനുകൾ എന്നിവയായിരുന്നു ഈ സ്റ്റാളിലെ ആകർഷണങ്ങളിൽ ചിലത്. ഈ വർഷത്തെ രാജ്യാന്തര ട്രേഡ് ഫെയറിന്റെ തീം, ഇന്ത്യയിലെ സ്റ്റാർട്ടപ്പുകൾ ആയതിനാൽ, വിവിധ സ്റ്റാർട്ടപ്പുകൾ മുഖേന വികസിപ്പിച്ചെടുത്ത സോഫ്റ്റ് വെയറുകളും, സംവിധാനങ്ങളുമായിരുന്നു പ്രധാനമായും പ്രദർശിപ്പിക്കപ്പെട്ടത്.
പോലീസിന്റെ മൊബൈൽ ആപ്പ് ആയ i-safe ന് Elets Knowledge Exchange Awards 2015 ലഭിച്ചു. 2015 ലെ Elets Knowledge Exchange Award ൽ മൊബൈൽ സാങ്കേതിക വിദ്യയുടെ ഏറ്റവും മികച്ച ഉപയോഗത്തിനുള്ള അവാർഡ് കേരള പോലീസ് കരസ്ഥമാക്കി. അവാർഡ് കരസ്ഥമാക്കിയ i-safe മൊബൈൽ ആപ്പ്, തിരുവനന്തപുരം സിറ്റി പോലീസ്, ഐ.ടി കമ്പനിയായ UST Global ന്റെ സഹായത്തോടെയാണ് വികസിപ്പിച്ചിട്ടുള്ളത്. അടിയന്തര ഘട്ടങ്ങളിൽ പോലീസുമായി നേരിട്ട് ബന്ധപ്പെടാൻ i-safe പൗരന്മാരെ സഹായിക്കുന്നു. ആപ്പിലെ ഒരു പുഷ്ബട്ടൺ മുഖേന,ഉപയോക്താക്കൾക്ക് അപകടങ്ങളിൽപെടുമ്പോഴോ, അടിയന്തര സഹായം ആവശ്യമുള്ള സാഹചര്യത്തിലോ, തത്സമയ പോലീസ് സഹായം ലഭിക്കുന്നതാണ്. ഉപയോക്താവിന്റെ സ്ഥാനം, സബ്സ്ക്രൈബർ ഐ.ഡി, മൊബൈൽ IMEI നമ്പർ, എന്നീ വിവരങ്ങളോടൊപ്പം പോലീസിന് ഒരു ജാഗ്രത അറിയിപ്പ് (Alert) ലഭിച്ചുകഴിഞ്ഞാൽ ഉടൻ തന്നെ, അവർ ഏറ്റവുമടുത്തുള്ള പോലീസ് കൺട്രോൾ റൂം വാഹനം വഴി സഹായം ലഭ്യമാക്കുന്നു.
രാജ്യത്തെ ഏറ്റവും മികച്ച പോലീസ് സ്റ്റേഷനുള്ള 2008 ലെ അവാർഡ് പാലക്കാട് ടൗൺ സൗത്ത് പോലീസ് സ്റ്റേഷനു ലഭിച്ചു. പൊതുസേവന വിതരണത്തിലെ സാമർത്ഥ്യത്തിനും, കാര്യക്ഷതയ്ക്കും ഉള്ള അവാർഡ് ഏറ്റവും മികച്ച പ്രൊഫഷണൽ നേട്ടങ്ങൾക്ക് പാലക്കാട് ടൗൺ പോലീസ് സ്റ്റേഷൻ കരസ്ഥമാക്കി. Altus Global Alliance of Netherlands ന്റെ മൂല്യനിർണ്ണയത്തിന്റെ അടിസ്ഥാനത്തിൽ, പാലക്കാട് ടൗൺ സൗത്ത് പോലീസ് സ്റ്റേഷൻ കേരള സംസ്ഥാനത്തിലെയും, ഇന്ത്യയിലെ തന്നെയും ഏറ്റവും മികച്ച പോലീസ് സ്റ്റേഷനായും, സൗത്ത് എഷ്യാ റീജിയണിലെ മികച്ച പോലീസ് സ്റ്റേഷനുകളിൽ റണ്ണർ അപ്പ് ആയും തെരഞ്ഞെടുക്കപ്പെട്ടു. കേരളത്തിലെ ശരാശരി സ്കോർ 65 ആയിരുന്നപ്പോൾ സ്റ്റേഷന്റെ സ്കോർ 85 ആയിരുന്നു. ദേശീയ ശരാശരി സ്കോർ 75 ആയിരുന്നു. നൂതന ജനകീയ പോലീസിംഗും, മികച്ച പ്രൊഫഷണൽ നേട്ടങ്ങളും രാജ്യത്തിലെ തന്നെ ഏറ്റവും മികച്ച പോലീസ് സ്റ്റേഷനുള്ള അവാർഡിന് പാലക്കാട് ടൗൺ സൗത്ത് പോലീസ് സ്റ്റേഷനെ അർഹമാക്കി. കേരളത്തിൽ നിന്നുള്ള 11 പോലീസ് സ്റ്റേഷനുകൾ ഉൾപ്പെടെ രാജ്യത്തുടനീളമുള്ള 116 പോലീസ് സ്റ്റേഷനുകൾ അഭിമാനാർഹമായ ഈ അവാർഡിനായി മത്സര രംഗത്തുണ്ടായിരുന്നു.